Ананасы і снег

Тое, што маці Андрэя не забылася пра японку, якая хадзіла па заснежаных вуліцах у пошуках ананасаў, зрабіла на мяне моцнае ўражанне. Яе словы навучылі мяне, як дараваць свету, як адчуваць удзячнасць нават тады, калі больш не можаш усміхацца. Гэта была цяжкая, сумная, але прыгожая размова. Не ведаю, ці існуе такі жанр, але я вырашыў зрабіць кнігу з малюнкамі для дарослых. Я хачу, каб яе прачыталі дарослыя, якія некалі былі дзецьмі.

Аб стваральніках

Мінору Камата — японскі ўрач, пісьменнік і грамадскі дзеяч. Адзін з заснавальнікаў Японскага фонду «Чарнобыль». За дапамогу пацярпелым ад аварыі на Чарнобыльскай АЭС у 2001 годзе узнагароджаны ордэнам Францыска Скарыны.

Тадзінбара Нарыхіса — ілюстратар і арт-дырэктар, афармляе рэкламныя постары, кніжныя вокладкі, часопісы і многае іншае. У 1984 годзе стварыў дызайнерскае бюро Happy Birthday Company, а ў 1985-м адкрыў мастацкую галерэю HB GALLERY.